MR_KARATE Admin
عدد الرسائل : 2012 العمر : 38 بلدك : مــصــر العمل/الترفيه : تاجر مفروشات * لعب كرة القدم والنت المزاج : الحمد لله على كل شئ بلدى : تاريخ التسجيل : 14/04/2008
| موضوع: الشاى بالياسمين الحلقة الاولة القيعى مع جلبيرتو الأربعاء 4 يونيو - 10:58 | |
| مهندس الصفقات عدلي القيعي
قاعد في مكتبه وحاطط جنبه كنكة شاي وزخيرة شاي وياسمين
طبعا اللي شربوا شاي بالياسمين مع عدلي القيعي كتير كان أشهرهم
جلبيرتو لما حب يسيب الأهلي ويمشي لما جاله عرض جامد من تركيا
عدلي القيعي : أهلا يا جلبيرتو إتفضل
جلبيرتو : بعد إذنك يا باش مهندس كنت عايزك في موضوع
عدلي القيعي : وماله يا حبيبي إنتا تؤمر
طبعا عدلي القيعي كان عنده خلفيه جلبيرتو عايزه ليه
جلبيرتو : أنا عارف معزتي عندك يا هندسه وانتا عارف انا بحبك وبحب النادي الأهلي أد أيه
عدلي القيعي : أه طبعا يا حبيبي بس قوللي الأول , تشرب شاي بالياسمين ؟
جلبيرتو : وماله يا كابتن أصل القعده شكلها هتطول
عدلي القيعي : إنتا تنورني يا عسل
جلبيرتو : أنا يا هندسه جايلي عقد مغري جدا في تركيا إنتا أيه رأيك
عدلي القيعي : قوللي بس كام معلقة سكر
جلبيرتو : معلقه واحده
جلبيرتو : والعقد ده بحلم بيه بقالي فتره لإن ده إللي هأمن بيه مستقبلي
عدلي القيعي : أمسك فنجانك بس حاسب أصله لسه سخن
جلبيرتو : ها قلت أيه يا كابتن
عدلي القيعي : في أيه ؟؟؟؟؟؟؟؟؟
جلبيرتو : يا كابتن بقولك جايلي عقد وقالولي روح للباش مهندس وهوه إللي خلصلك كل حاجه
عدلي القيعي : شوف بس الفنجان بتاعك دوقه كده إن كان محتاج سكر كمان أو عاي شوية ياسمين زياده
جلبيرتو : لا مظبوط كده
عدلي القيعي :يا سلام ياض يا جلبيرتو أنا مش هاخبي عليك إنتا زي إبني بس انا عاوز أفضفضلك أد أيه النعمه اللي الواحد حاسس بيها شوف المكتب اللي أنا قاعد فيه والتكييف وتليفون بيتصل دولي ومحافظات كمان وكل ده ليه عشان أنا مخلص مع النادي الأهلي اللي لحم كتافنا كلنا من خيره
قولي ياض يا أبو الجلابير تفتكر أنا لو في أي حته تانيه كنت ممكن أحصل على المميزات دي كلها وشوف أنا لا سريع ولامهاري ولا حتي بقف جون حلو
بس كل الحكايه اني مخلص في شغلي وبحب المكان اللي انا بشتغل فيه
جلبيرتو : معاك حق يا كابتن
عدلي القيعي : تفتكر إني بشتغل في النادي الأهلي عشان كده بس ؟دنا كمان سيرتي على كل لسان وكل ما أمشي في الشارع الاقي الناس تكلمني وتتصور معايا وبتحبني تفتكر ممكن الاقي ده في أي حته
جلبيرتو : لا معتقدش
عدلي القيعي : إشرب الشاي قبل ما يبرد
جلبيرتو : حاضر يا هندسه
عدلي القيعي : هه يا بني كنت جاي عاوز أيه
جلبيرتو : مش عارف
عدلي القيعي :هه طب هتجدد العقد إمتي
جلبيرتو : عقد أيه
عدلي القيعي : إنتا يا بني مش جاي تجدد عقدك موسمين كمان ؟ إنتا بقيت بتنسي كتير أوي الأيام دي!!!
جلبيرتو : طب يا كابتن سيبني أفكر
عدلي القيعي : تفكر في أيه ياض يا جلبو إنتا هتلاقي أحسن من النادي الأهلي ياض خدها مني نصيحه إنتا مش عارف إنك داخل على ماتش مع البرتغال كمان كام شهر وممكن تصاب فيه بوتر إكليس وإنتا عارف ده عمليته بتتكلف أد أيه ؟ مين غير النادي الأهلي ممكن يضحي ويعملك عمليه زي دي ويصبر عليك سنتين ده الحكايه دي لو حصلت وانتا في تركيا هيرموك رمية الكلاب
جليرتو : معاك حق يا كابتن
عدلي القيعي :يلا يا جلبيرتو متبقاش غلباوي أدي ورقه وقلم
جلبيرتو : هوا أنا هوقع على بياض يا كابتن
عدلي القيعي : متخافش هنبقي نشوفك ومتنساش تشتري تي شيرت جديد
جلبيرتو : حاضر يا باش مهندس شكراً الشاي
عدلي القيعي : هنياً يا حبيبي مكتبي مفتوحلك في أي وقت
مع السلامه في رعاية الله منقول من موقه اخبارك دون نيت | |
|
اهلاوى مشرف ملتقى الرياضة العالمية
عدد الرسائل : 275 العمر : 32 بلدك : مصر العمل/الترفيه : طالب المزاج : فى الروقان بلدى : تاريخ التسجيل : 16/04/2008
| موضوع: رد: الشاى بالياسمين الحلقة الاولة القيعى مع جلبيرتو الأربعاء 4 يونيو - 11:56 | |
| ههههههههههههههههههههه حلوة منك على قد سنك طب ياريت اعرفلى الشاى الى بالياسمين ده بيجيبو منين الباش مهندس عدلى علشان انا عايزه ضرورى والنبى هههههههههههه | |
|
MR_KARATE Admin
عدد الرسائل : 2012 العمر : 38 بلدك : مــصــر العمل/الترفيه : تاجر مفروشات * لعب كرة القدم والنت المزاج : الحمد لله على كل شئ بلدى : تاريخ التسجيل : 14/04/2008
| موضوع: رد: الشاى بالياسمين الحلقة الاولة القيعى مع جلبيرتو الأربعاء 4 يونيو - 12:00 | |
| | |
|
MR_KARATE Admin
عدد الرسائل : 2012 العمر : 38 بلدك : مــصــر العمل/الترفيه : تاجر مفروشات * لعب كرة القدم والنت المزاج : الحمد لله على كل شئ بلدى : تاريخ التسجيل : 14/04/2008
| موضوع: رد: الشاى بالياسمين الحلقة الاولة القيعى مع جلبيرتو الأربعاء 4 يونيو - 12:01 | |
| دى وصفة مخصوصه يا اهلاوى متخرجش لـ اى حد دى وله الاسرار العسكرية | |
|
اهلاوى مشرف ملتقى الرياضة العالمية
عدد الرسائل : 275 العمر : 32 بلدك : مصر العمل/الترفيه : طالب المزاج : فى الروقان بلدى : تاريخ التسجيل : 16/04/2008
| موضوع: رد: الشاى بالياسمين الحلقة الاولة القيعى مع جلبيرتو الأربعاء 4 يونيو - 12:33 | |
| ماشى بس انا مش صاحبك ولا ايه انا ممكن اجيبها بس انا عايزها منك | |
|
MR_KARATE Admin
عدد الرسائل : 2012 العمر : 38 بلدك : مــصــر العمل/الترفيه : تاجر مفروشات * لعب كرة القدم والنت المزاج : الحمد لله على كل شئ بلدى : تاريخ التسجيل : 14/04/2008
| موضوع: رد: الشاى بالياسمين الحلقة الاولة القيعى مع جلبيرتو الأربعاء 4 يونيو - 12:36 | |
| طب واذا كنت انا معرفهاش دى من اختراح الباش مهندس ومحدش غيره يعرفها | |
|