الشاى بالياسمين القيعى و عبدربه الفصل الاول

الفصل الاول

في إحدي أيام الشتاء الممطره بينما إنهمك عدلي القيعي في قراءة بعض الملفات المتعلقه بعمله حتي أنه لم يسمع صوت فرامل العربيه ملاكي إسماعيليه إللي ركنت تحت نافذة حجرته وبعده بقليل

طق طق طق

عدلي القيعي : إدخووووووووووووووووول

ويدخل من بالباب في صمت ودون أن يتحدث

عدلي القيعي : أهلااااااااااااااااااااااااااااااااااااااان كابتن حسني نجم مصر وأحسن لاعب في أفريقيا السنه الجايه

حسني : قول إن شاء الله يا كابتن

عدلي القيعي : بعد إذنك يا حسني ابقي قوللي يا باش مهندس أو زي ما حبايبي بيدهوني بيقولولي يا هندسه وإنت إن شاء الله شكلك كده هتبقي من حبايبي

حسني : أيه يا باش مهندس إتصلت بيا إمبارح وجبتني على ملا وشي وبتقوللي في خبر ب 700 ألف يورو يخصني خير يا كابتن ..... إحمم قصدي يا باش مهندس

عدلي القيعي : إحنا هنفضل نتكلم وإنتا واقف عالباب إتفضل يابني إنتا مكسوف ليه قرب هوا أنا هعضك

حسني : خير يا هندسه بسرعه بس أصلي مستعجل

عدلي القيعي : مستعجل ليه طب تستريح من المشوار وتاخد واجب الضيافه .. بقوللك أيه تشرب شاي بالياسمين ؟؟؟؟

حسني : ماشي يا هندسه بس بعد إذنك إدخل في الموضوع

عدلي القيعي : مبسوط في الإسماعيلي يا حسني

حسني: طبعا يا كابتن الإسماعيليه بلدي ونادي الإسماعيلي بيتي اللي إتربيت فيه واللي يقول غير كده أقتله

عدلي القيعي : تقتله أيه بس يا بني إحنا مش في فيلم جعلوني مجرما هنا خلينا نتكلم بإحتراف لما نادي الإسماعيلي ده بيتك ومطرحك سافرت فرنسا ليه إتفضل كوباية الشاي بتاعتك الشاي فتله والياسمين فتله تانيه زي منتا واخد بالك كده

حسني : سافرت فرنسا أحترف يا كابتن

عدلي القيعي : تحترف ؟؟؟؟؟؟؟؟؟؟؟؟؟؟؟؟ جميل أوي إشرب الشاي

حسني : في أيه يا هندسه مالك بتضغط على حروف الكلمه كده ليه

عدلي القيعي : إنتا مش لسه بتقوللي إنك ضد الإحتراف

حسني : أنا قلت إن أنا ضد الإحتراف ؟ أنا مع الإحتراف طبعا طالما ده أكل عيشي ودي الوسيله إللي هأمن بيها مستقبلي

عدلي القيعي : وهوا فيه حد بيأمن مستقبله في أضعف نادي في الدوري الفرنسي أنا راضي زمتك دي مكانتك يا حسحس

حسني : والله يا كابتن اللي موجود ده عرض وطلب

عدلي القيعي : لا طبعا مش اللي موجود كل الحكاية إنك محدش عارف يسوقلك وحلو أوي موضوع أكل العيش وكويس إنك إستعملت الكلمه دي

حسني : أنا قلت أكل عيش ؟؟؟؟

عدلي القيعي : إستعبط يا خويا إستعبط إرجع باللسان سبع سطور لورا وإنتا هتلاقي نفسك قلتها

حسني : معلش يا هندسه العتب عالنظر

عدلي القيعي : قوللي يا حسني أيه رأيك تحترف في الأهلي .. إوعي تضرب

حسني : نعم نعم أحترف في الأهلي إنتا جايبني هنا عشان كده ؟

عدلي القيعي : أنا بقول مثلاً

حسني : لا إنتا قلت تحترف في الأهلي

عدلي القيعي : وقلت مثلا إشمعنا مسكت في الكلمه دي ده على سبيل الدردشه تعالي نتخيل إنك محترف في الأهلي وإسمع كلامي للأخر وإعتبرني يا عم بخرف

حسني : يا كابتن مات الكلام أنا ماشي

عدلي القيعي : طب أقعد كمل الشاي بالياسمين بتاعك أنا عندي بنات على وش جواز عايز تقعدهم جنبي

حسني : حاضر يا كابتن عشان خاطرك بس

عدلي القيعي : والله إنتا صعبان عليا ياض يا حسني قاعد في عصر الإحتراف تاخد ملاليم وغيرك بياخد ملايين أي والله ملايين

حسني : أرزاق يا كابتن

عدلي القيعي : أنا مش كابتن وبطل إستهبال إنتا إزاي راضي بالعيشه المتواضعه اللي انتا عايشها دي إنتا إللي زيك لازمله عربيه فئه سابعه وشقه في مدينة نصر ب أرنب إلا ربع وعيشه تانيه خالص

حسني : يا هندسه بس انتا عارف انتا بتقول أيه دول يقتلوني في بلدنا هناك ناس مبيرحموش

عدلي القيعي : يعني هوا ده بس اللي مانعك يا حسحس من إنك تلعب للأهلي .

حسني : والله يا هندسه وما لك عليا حلفان إنتا عارف إني أكيد أكيد زي أي لاعب في مصر بحلم ألبس الفانله الحمرا بس ده مستحيل

عدلي القيعي : هوا انتا أول واحد من الإسماعيلي يروح الأهلي

حسني : كلهم مش إسمعالاويه إنما أنا الموضوع بختلف أنا أبن البلد

عدلي القيعي : يادي النيله على حكاية إبن البلد دي بص يا حسني إعتبرني مصباح علاء الدين وإدعكه وإتمني

حسني : أتمني ألعب في مانشستر

عدلي القيعي : وسعت منك يا أبو الكباتن مانشستر أيه يا أبو مانشستر إنتا حالياً أخرك تلم كور في الأولد ترافورد إنما لما تبقي في فريق قوي يدعمك والسي في بتاعتك تتملي بشوية بطولات بدل ما هي نضيفه مفيهاش غير بطولة أفريقيا للناشئين . مين غير الأهلي يقدر يملالك السي في بتاعك ببطولات كتير
دنتا بعد مرور سنتين في الأهلي القلم هيشطب منك وانتا بتكتب الس في

حسني : معاك حق

عدلي القيعي : لما تدعك مصباح علاء الدين أنا هاقولك أيه اللي هتتمنا طبعا هتتمني إنك تلعب فب الأهلي وفي نفس الوقت أهل بلدك ميغضبوش صح ؟ كمل البق اللي فاضل في الكوبايه ده

حسني : صح يا كابتن بس ده مستحيل نظريا

عدلي القيعي : بس معانا عملياً ينفع ونص دي شغلتنا سيبنا أحنا نخطط وإنتا ليك دور لازم تمثله حلو إتفقنا ؟

حسني : إتفقنا

عدلي القيعي : إستني مني تليفون بكره

حسني : إستبينا

عدلي القيعي : بيوتيفول

إنتهي الفصل الأول من (عملية حسني عبد ربه )

منقول من موقع اخبارك دون نيت

الظاهر الياسمين بيعمل مفعول جامد

يبقى الاهلى المفروض يجيب رونالدينهو

هههههههههههههههههههههه

:D

وماله يا حبيبى نجيب رونالدينهو واللى يتشدد لـ رونالدينهو كمان

موضوع حلو كثير مشكور يامحمد واصل على هذا المنوال

ان شاء الله يا ميلودى

بس محتاج تشجيعكم