الشاى بالياسمين القيعى وعبدربة الفصل الثالث

الفصل الثالث

حسني عبدربه وعدلي القيعي راكبين عربيه نقل الإسماعيليه ولابيسين جلاليب لونها تريكواز وماشيين على طريق مصر إسماعيليه الصحراوي

حسني : واخدنا ورايح فين يا كابتن

عدلي القيعي :يعني هخطفك يعني رايحين مشوار خير إن شاء الله

وبعد نص ساعه تقف العربيه أمام إستراحه عالطريق

عدلي القيعي : يلا يا حسني الناس اللي إحنا جايينلهم هنا

حسني : أيه ده هوا أحنا جايين نقابل ناس ؟؟ مقولتليش ليه

عدلي القيعي : يلا يا حسني بلاش غلبه

حسني : واو مستر مانويل جوزيه وكابتن حسام البدري

عدلي القيعي : أيه رأيك في المفاجأه دي

حسني : هيا مفاجأه مفاجأه

جوزيه : هاي خوسني

حسام : بيقولك إزيك يا حسني

حسني : الله يسلمك يا مستر

جوزيه : أيه خوسني ؟؟ إخنا مختاجينك كتير معانا في فريق

حسام : بيقولك إحنا محتاجينك معانا في النادي الأهلي

حسني : على فكره يا كابتن حسام أنا فاهم بيقول أيه متترجمش

حسام : طيب

حسني : يا مستر عندنا عادات وتقاليد هنا في مصر ومينفعش

جوزيه : إيزاي ما ينفاعش أنا معنديش إيكلام دا

عدلي القيعي بأعلي صوته : أربعه شاي بالياسمين على بوسطه يابني

الجارسون : حاضر يا باشمهندس

عدلي القيعي : هه قلت أيه

حسني : المواضيع مبتتاخدش أفش كده يا كباتن أنا ممكن أزعق وأقول إنكم خاطفيني

عدلي القيعي : على فكره إنتا جاي بمزاجك ولو عايز تمشي أمشي بس أنا عارف إن مش هتمشي فعشان كده يلا نخش في الموضوع

عدلي القيعي : خد جوزيه يا حسام على جنب إلعبوا عشرتين طاوله وإستنوا لما أخلص عشان أروح معاكم أصل أنا مجبتش عربيتي معايا

حسام : طيب بس إنجز

عدلي القيعي : بص يا حسني هل تعلم إن المهندس يحيي الكومي هيتأخر في دفع الفلوس المتبقيه من عقدك

حسني : لاااااااااااااااااااااا

عدلي القيعي : وهاتكون ساعتها من حق ستراسبورج

حسني : لاااااااااااااااااااااا

عدلي القيعي : طب صحصح معايا كده وإشرب الشاي قبل ما يبرد

حسني : طيب يا هندسه

عدلي القيعي : يعني إنتا موافق إنك تمضي

حسني وهو يشرب أخر بق شاي : موافق يا هندسه

عدلي القيعي قام وبص على حسام البدري وقاللهم : بينا عالنادي

جوزيه : خشب يا معلم إنتا إللي هاتشيل المشاريب

حسام : طيب لما ننزل مصر هقطعك في الدومينو الأمريكاني

وركب الأربعه عربية مانويل جوزيه متجهين إلي القاهره

منقول من موقع اخبارك دون نت